Ilinniarfigaakkit

Redaktion: Helga M. Nielsen, Hans Anthon Lynge og aaju

(2000) - Digte og noveller på dansk og grønlandsk

ISBN 87-90393-39-2, Forlaget Atuagkat / Ilinniarfissuaq

Beskrivelse
Ilinniarfissuaq 1995-imi ukiunik 150-inngortorsiorluni nalliuttorsiormat eqqarsaatigineqarsimavoq atuakkiap saqqummereersup saniatigut aamma tassani ilinniartuusimasut eqqaamasalersaartinneqarnissaat. Suliaq taanna arlalinnik aporfeqareerluni matumuuna saqqummerpoq. Ilinniartuusimasut eqqaamasalersaarutaat pissutsit 1930-kkunnit 1970-kkut tungaannut qanoq issimanerannik paasissutissarpassuarnik imaqarput. Nunatsinni atuartitaanerup ilinniartitaanerullu oqaluttuassartaata ilarujussua inuttaasut misigisaasigut eqqartorneqarluni takussutissaqalerpoq. Oqaluttuartut saniatigut ilinniartut aviisitoqaanni Qarsumi allaaserisaasarsimasut arlallit issuarneqarput naliminni oqallinnermut takussutissaalluaannaratik aammali suli ullumimut eqqarsaatissanik tunniussaqarsinnaasut. Atuagaq pigissallugu pilerinartoq tunissutigissallugulu piukkunnarluinnartoq.